毋忘·堅持2019，因警察嘅暴行，有唔少日子都被市民牢記在心中。「721、831、101」「黎明行動、CU、Poly」，一次又一次大三罷，每個星期都不曾止息嘅街頭抗爭，...

[RSS]

毋忘·堅持
2019，因警察嘅暴行，有唔少日子都被市民牢記在心中。「721、831、101」「黎明行動、CU、Poly」，一次又一次大三罷，每個星期都不曾止息嘅街頭抗爭，終究喺2020年落幕。

但落幕，又係咪代表住一切已經完結？反送中運動喺香港人爭取民主嘅進程中從來不是主線，而是支線，街頭抗爭落幕，甚至不斷有人認為反送中運動已經完結並唔係一個終點，或者係一個全新的起點。

2020，多事之秋。
2020無疑係政權正式向國際宣告《中英聯合聲明》係廢紙，一國兩制係空口說白話。

歷史科試題被DQ，通識教科書被和諧，再到宣布進行通識改革，強制學生送中考察，學術自由不再。香港中學文憑試認受性終有一日會被削弱至不被外國院校認同。

引入安心出行，為社會信用評分系統鋪設一條康莊大道。

國安法實施，一切人權自由終被政權完全剝削。

今天（31/12）除了係除夕，亦係太子831事件後嘅兩年零四個月，你仲記得香港警察當天喺太子站內好似癲咗噉無差別攻擊納稅人嗎？

彷彿，我們已經再冇心神去記著一個又一個日子，更甚，政府開始針對他們所認為的”Fake news”，包括「831，打死人」等口號，研究立法監管所謂假新聞嘅傳播。

冇人叫你要每日提身邊人721發生咗咩事，19，20年發生咗咩事，只係當你意識到身邊人開始漸漸忘記，你先開口提醒。

**2021，清算時代

**如果話2020年係多事之秋，噉2021年亦都不遑多讓，作為2020嘅延續，清算已經正式開始。

不論係年初，強迫公務員宣誓效忠，再到蘋果同立場畀政府取締，只要你所寫所思唔係政府，更甚唔係黨所想，你就會被噤聲。

但即使佢哋點取締一個又一個嘅媒體，但係佢哋取締唔到每一個有自由意志嘅香港人。佢可以一再扼殺我哋嘅自由，但係佢抹滅唔到我哋嘅自由意志。

筆者在此只希望提醒各位，唔好忘記以往的事，休息過後，就一齊堅持落去，我們要追究政府一切暴行。

就算再冇文字記載，只能口耳相傳，我們也要將眼見嘅，親身體會到嘅流傳下去。只有我哋可以塑造我哋嘅歷史。

2020年過得苦，2021，不更加好過，亦不求2022年會好過，只求各位平安

願我們未來見

從來都冇「最壞，最黑暗」嘅時代，只有「更壞，更黑暗」。

願我哋可以喺理想中嘅未來相見，只要我知道仍然有人堅持，我就唔會放棄。

請香港人同我一齊堅持落去。願榮光歸香港同真．香港人。

光復香港，時代革命

https://t.me/HKHistoryphilo/14283