🖼【自我審查都算，唔好審查埋人地】黃文萱 Leticia Wong：其實關於琴日個黃店Post，個原意係有街坊大力推薦鳩砌，話真係好好食。我有感而發，有時的確會食到...
-
【自我審查都算，唔好審查埋人地】
黃文萱 Leticia Wong：其實關於琴日個黃店Post，個原意係有街坊大力推薦鳩砌，話真係好好食。我有感而發，有時的確會食到中伏嘅黃店，但有時好多近乎喜出望外，但奈何「黃店有時伏」呢個都已經成為朋友間嘅笑話一種。咁樣何不正面少少，叫大家介紹一吓真係覺得好味嘅黃店？結果反應比預期熱烈，而我都努力三餐都食黃店（當初成日都有重複食），居然留言入面都仲有一半我無食過，三成無聽過。
結果見到有留言指，「咁樣list哂出嚟仲嫌狗搞唔夠？」「黃店在心中啦」。我開頭好燥，但反而冷靜完仲想講一講。其實呢種論調，背後嘅邏輯應該係「而家世代要低調」「留命唔好比人搞」延伸出來嘅。
就住呢種邏輯，我知道係善意提醒，但我只係想講，係紅線面前，要明白有前中後排。有啲人願意表態面對紅線，有啲人可能在後密密增加實力，陣容有前有後是很正常的，如果大家全部擔崗後防職位，紅線只會步步進逼。的確前鋒測試紅線已經負上代價，但後防亦因而換得空間呀，咁要問嘅，係時間來到時，你會唔會變成前鋒？
更別提， 「黃咗」就係「黃咗」，唔好誤以為低頭就無事，亦唔好令人後悔表過態。
講真，時光倒流，可能有黃店會覺得2019唔表態嘅話，現時處境可能無咁艱難。但無論如何，bygone is bygone，無論後唔後悔都好，黃店都已經on the list. 可能編年史有你，可能hkleaks有你，係政權眼中你已經有個黑豬印仔，又或者極端啲講，係咪一日三餐唔出聲，佢就會唔記得間店係邊個開？
就算暫時唔搞，嗰種都只係短暫「施恩」，想嘅係你繼續自我滅聲，營造平和假象。
喺而家愈黎愈講出身／鬥紅嘅時代，中立都無用，有立場嘅人更不應心存僥倖。雖則天真，唯有動員更多人支持紅線最前嘅人，紅線要進一步才會有所顧忌。如果個個都在心中，面對紅線退到最後，表過態嘅人只會孤零零地在前面，等待紅線宰割。
作為已經唔寄望在喺香港搵到工嘅前區議員，只係想講，切忌自我審查，也別審查他人，謝謝。
#擔心佢地過唔過到年先啦好嘛
#見到Explorer話要執好傷心 Explorer Fusion Restaurant
#我無叫你表態咁你都唔好叫我縮
#tag咗嘅黃店我都盡力有睇返係唔係喺meeapp入面
#都係嗰句啦唔願被tag隨時請pm我https://www.facebook.com/leticiawmh/posts/1076904489758699
