🖼有一種動物與世無爭，一直留喺自己屋企。但係人類以為自己係神，開始有人類行入佢哋屋企餵佢哋，久而久之佢哋以為見到人類就有嘢食，好期待見到人類。但係忙...

[RSS]

有一種動物與世無爭，一直留喺自己屋企。但係人類以為自己係神，開始有人類行入佢哋屋企餵佢哋，久而久之佢哋以為見到人類就有嘢食，好期待見到人類。

但係忙碌嘅人類好少有時間搭足郊野，於是佢哋以為走入人類嘅領地─市區就可以有好人俾嘢佢哋食。

但係原來肯餵佢哋嘅人類只係少數，其他人類對佢哋只有心虛同恐懼，佢哋只求一餐溫飽，而換嚟嘅係漁護處嘅截殺，猶如戚秦氏一家十三口滅門慘案。

又有一種動物與世無爭，一路留喺人類屋企。但係人類培養佢哋做寵物，開始有人類將佢哋帶翻屋企養，同樣，久而久之佢哋以為見到人類就有命享，好期待見到人類。

但係忙碌嘅人類好少有時間行寵物舖，於是佢哋以為只要見到人類就代表搵到自己嘅主人。

但係原來真心想養佢嘅人類只係少數，其他人類或者根本冇心養佢哋，佢哋只求自己短短三四年光陰有你陪伴，而換嚟嘅係鱷魚將佢哋送去人道毀滅，就好似82年前嘅奧斯威辛納粹集中營一樣，唔同嘅係82年前猶太人係被迫踏入滅絕集中營，今日係佢哋嘅主人親手斷送佢哋嘅生命。

或者人類並唔可怕，可怕嘅係人類偽善嘅時候，可怕嘅係人類成日以為自己做嘅一切都係為咗其他動物，但係由一開始就係為咗自己。

只要自己冇事，犧牲其他動物都係迫不得已，人類噉同自己講。但係對於其他動物，人類又係咩嘅存在呢。

自私不可恥，可恥嘅係愚昧，可恥嘅係偽善，不論係政府一聲令下，就將自己嘅寵物送入集中營嘅愚民，定係送鼠途中留下鱷魚淚嘅偽善者都一樣。

最後願今次事件嘅小動物早登極樂，願人類以外嘅小動物得善終。
#偽善 #愚民

圖源：Designer IG @kongmui.life
🐷FB: 港妹。生活🐹

https://t.me/HKHistoryphilo/14322