📹歷史從來都唔會俾人遺忘，只要呢個世界仲存在文字同埋影像，香港人就有責任將呢啲歷史不斷咁樣記錄落去。唔知大家仲記唔記得喺兩年前嘅18號同埋19號晚發生咗...
-
Forwarded From 📝世界歷史/哲學台📝（荼毒青年）
歷史從來都唔會俾人遺忘，只要呢個世界仲存在文字同埋影像，香港人就有責任將呢啲歷史不斷咁樣記錄落去。
唔知大家仲記唔記得喺兩年前嘅18號同埋19號晚發生咗啲咩事呢？喺嗰兩晚有一位手足跪咗喺度，用佢自己同我哋講我哋應該要點做，你仲記唔記得佢講過啲咩？
唔記得都唔緊要，我而家可以話俾你聽。但係聽咗之後點樣選擇就唔關我事，但係我希望你了解你做過任何選擇唔單單係主宰你自己嘅命運，甚至係主宰所有香港人同埋我哋嗰個仲未出現嘅國家嘅命運。
以下呢一段說話同埋呢一條片就係呢一位手足喺海傍和中環橋手足跪低嘅原因。
「我用跪嘅形式，係因為我尊重死去嘅手足，所有既亡魂。我要立定呢個決心，讓香港人感受到喺獄中嘅手足，在生嘅手足，同埋死去嘅手足。我想佢哋好似我咁樣，徹徹底底有呢個決心覺醒，無論係後勤、和你非、甚至乎我哋覺得好難嘅，完全冇可能會醒既嘅黑警、警察，甚至藍絲，但我想要嘅覺醒唔係淨係就我一個，係從唔同角色嘅手足做起，我哋知道冇可能改變對方，但我哋可以改變自己。我地首先唔好灰晒機先，我跪唔係因為我灰機，我跪係因為我冇忘記過任何一個手足，包括喺獄中、受緊刑責、海外，甚至乎死嘅手足。我跪，係因為我立定決心。當所有嘢過晒之後，例如疫情，大家可能覺得好沉靜，但其實我哋未放棄過，當之後啲人出晒嚟，前線、後勤、和理非，我哋一齊反抗，直到我哋見到光復香港嘅一日。
呢個係我想提醒大家，我呢兩日喺呢度跪嘅原因。 」
幫手轉
