【《君主論》與馬基維利】《君主論》係一本十六世紀嘅政治哲學鉅作，曾經有人將佢同聖經同資本論並列為影響世界嘅重大書籍。呢本薄薄地嘅小書，原本只係作者馬基...

[RSS]

**【《君主論》與馬基維利】
**《君主論》係一本十六世紀嘅政治哲學鉅作，曾經有人將佢同聖經同資本論並列為影響世界嘅重大書籍。呢本薄薄地嘅小書，原本只係作者馬基維利寄比當時佛羅倫斯統治者Medici家族去搲撈嘅作品。但係書中對政治，道德同權謀近乎大逆不道嘅見解令佢成爲咗一本歷史上最惡名昭著嘅邪書。

當時主流嘅係神學家阿奎那 (Aquinas) 將自然法理論同基督教教義融合嘅道德觀。但喺《君主論》入面，馬基維利對自然法道德觀嘅忽視，甚至可以話佢有意無意咁downplay咗呢個當代主流。

**馬基維利指出：
如果你想喺陰險嘅政治世界入面做個好人，你嘅下場一定會非常悲慘。而一個領袖如果想生存落去嘅話，佢一定要學會知道咩時候需要放下道德。

**近代哲學家史特勞斯 (Strauss) 曾經稱馬基維利為邪惡嘅導師。喺筆者角度嚟睇，《君主論》裡面固然有好多赤裸裸道破人性嘅難聽論點，但係講到底啲字就死嘅，睇緊本書個人就生嘅，你要點樣理解佢係你自己嘅事。由筆者去理解馬基維利呢個人嘅話，我會話佢係一個絕對嘅現實主義者。

《君主論》雖然係一本極具爭議嘅書，但係入面好多對於政治同人性精辟嘅分析到我地當下仍然非常relevant。例如佢曾經指出群眾係善變而且冇感恩之心嘅，相信大家喺香港嘅經歷都深切體會到。

**香港人喺呢本書入面有重要嘅一課：就係要從呢本書理解到政治嘅現實同埋到底玩政治係有幾咁險惡，首先去瞭解咗我地目前身處嘅環境，先可以繼續行啱路。

**——————————————————
📢**書評徵集中，歡迎投稿_📢_

_✨_如果覺得唔夠喉，我哋嚟緊2月25號仲有讀書會，到時見！** ✨
[//報名表格//

](https://forms.gle/Be9ysHSpXohwoqUD8)‼️所有報咗名嘅我哋都已經透過tg聯絡，如果無收到信息嘅麻煩聯絡 @liberkong_admin ‼️

Website (Bibliogram)| Instagram (Bibliogram) | MeWe | Telegram公海 | Twitter (Nitter) | LIHKG

https://t.me/liberkong/482