🖼#刀插警員 六旬女士因被警截查驚嚇過度顫抖 癱軟在地不停嘔吐 一名近六旬女士，與女兒Apple和朋友Tony晚上到訪銅鑼灣，惟因身穿黑衣，被警員拉入橙帶封鎖線...
-
Forwarded From 獨立媒體 inmediahk.net
#刀插警員 六旬女士因被警截查驚嚇過度顫抖 癱軟在地不停嘔吐
一名近六旬女士，與女兒Apple和朋友Tony晚上到訪銅鑼灣，惟因身穿黑衣，被警員拉入橙帶封鎖線內。好友Tony多番向警員表示她們僅路過，「我哋行過咋，做咩搞我哋！」惟警察充耳不聞，稱「我哋會搵人照顧你喇，入嚟先」。截查期間，該名女士不斷手震，最後更嘔吐及跌坐在地。警察見狀即退後，Apple則失聲痛哭，「我媽有心臟病，快啲得唔得？」警員未有理會，繼續核對資料。而有意上前幫忙的Tony亦多次被警方攔下，「唔關你事，你過嚟核對咗資料先」。
Tony稱，從未見過朋友受如此驚嚇，斥警員「絲毫唔講道理」。警員對在場記者稱，該名女士有心臟問題，着在場記者讓出空間。有警員嘗試安撫她，惟女士見狀情緒更加激動，狀甚痛苦並嚎哭。女兒向警員稱：「佢想去廁所呀，你由得我哋啦」。
擾攘15分鐘後，警員才允許她們進入商場洗手間，但在女士起身時扯著她的手腕。女士扶著警員手臂，但警員一度以為她想拉跌自己，意圖撥走她的手。最後女士由兩名警員及女兒，一同攙扶到商場內。
