🖼【一人一個推翻政權方法】林鄭今日喺立法會答問會表示一國兩制回到正軌，再唔需要擔心政權被推翻^。哦，原來佢知道自己一直以共產黨嘅利益為本嘅所作所為應...

[RSS]

**【一人一個推翻政權方法】
**林鄭今日喺立法會答問會表示一國兩制回到正軌，再唔需要擔心政權被推翻^。哦，原來佢知道自己一直以共產黨嘅利益為本嘅所作所為應該被人民推翻。咁係咪即係代表佢都認同共產黨會被推翻？

講真，穩定政權都有好多種方法：可以好似實行總統制嘅美國或者君主立憲制嘅英國下放權力、增加全民參與度，要高壓嘅可以一黨執政、中共納粹式嘅種族滅絕、同埋羅馬尼亞嘅強權打壓。聲稱年年考第一就梗係叻嘅，唔高壓嘅方式唔用，仲要撈埋一齊用，仿效中共嘅做法諗住實無死。當三萬隻毅進狗係納粹軍咁用，肅清到所有異見，消滅香港人呢個民族，以為咁樣可以有效鞏固政權。讀書咁叻都唔了解多啲歷史，一個政權導致人民推翻、倒塌嘅原因係乜嘢。

令到香港人抗爭嘅原因，我相信呢幾年大家都有目共睹，但而家呢都刻點樣達至推翻政權嘅方法先係至為重要。參考返歷史，推翻政權無論幾多種方法都好，但絕大部分成功嘅都係因一個方法。無論係有盟軍，定係靠人民自救，達至成功最終只係一條路，希望喺佔領區嘅香港人定海外嘅香港人做好準備迎接呢一日嘅嚟臨。

^資料來源

Instagram (Bibliogram)｜Facebook｜Twitter (Nitter)

https://t.me/liberkong/46